dont want 2 b a silent visitor....

May the choicest blessing of Allah
fill your life with peace, joy and prosperity!

Wish you a very very Eid Mubarak

,

Mohabbat ik tasalsul hai
Mohabbat muskuraata, gungunaata
Ek jhaunka hai
Sada gardish mein rehta hai
Mohabbat baank-pan hai,
Mohabbat be-iraada muskuraahatt,
Aansuon ki jhilmilaahatt hai
Mohabbat be-qaraari hai,
Khumaari hai
Magar, be-ikhteyaari hai
Mohobbat ek mausam hai
Azal se hai
Abad tak
Na kabhi tabdeel hota hai
Na is k phool jharrte hain
Na is k rang urrte hain
Mohabbat jaavidaa(n) hai
Mar nahi sakti
Mohabbat, kya hai duniya mein
K jo ye kar nahi sakti !
Mohabbat kheil hai yaaro !
Wafaaon ka, jafaaon ka
Wafa paighaam deti hai
Mohabbat ko
Suhaani zindagaani ka
Magar yaaro !
Jafa bhi maut ka aakhir
Koi paighaam to har-giz nahi deti
Mohabbat ko,
Jafa bas itna karti hai
Mohabbat ki nadi ka rukh
Zara sa morr deti hai
Mohabbat boond paani ki
Kaee rangon mein dhalti hai
Mohabbat mar nahi jaati
Mohabbat rukh badalti hai.